生日派對 - 1/13/2008

尋日喺俏護士個仔朗朗生日，所以我哋一大班人上咗啊婆屋企玩，下圖啲美味食物喺啊婆同勞斯整，佢哋真係好好，真喺整足成日，而我就係啊婆間房hea足成日，我都有功勞架，當晚啲大合照就全依靠我影架！

全晚最好笑喺啊天扮女人，超攪笑！

响我哋笑得最大聲之際，南南喊，佢以為我哋虾佢啊媽，又話我哋好嘈，之後一過嚟就指住我嚟鬧，我當然唔知發生咩事啦！　不過我都有同佢講「唔好意思呀！ 嘈倒你，唔好嬲哥哥啦！」　

之後，佢地幾個男仔又唔生性，篤爆咗個波，南南又喊住嚟鬧我，話我篤爆啲波嚇倒佢，跟住佢哋個個都笑我，話我樣衰，個個都唔話只喺話我，仲話我個樣嚇襯啲小朋友喎！

真係冇陰公呀！